Kai Havertz, leikmaður Bayer Leverkusen hefur verið sterklega orðaður við Liverpool síðustu mánuði.
Nú segir Sky í Þýskalandi að Havertz ætli sér að hafna Liverpool og ganga í raðir FC Bayern í sumar.
Þessi sóknarsinnaði miðjumaður hefur heillað marga en hann er aðeins tvítugur og er gríðarlegt efni.
Havertz vill halda áfram að þróa leik sinn í heimalandinu áður en hann fer að horfa í það að spila í öðru landi.
Havertz skoraði tuttugu mörk á síðustu leiktíð en hefur verið ögn rólegri á þessu tímabili.