David De Gea markvörður Manchester United hefur sent 45 milljónir íslenskra króna til heimalandsins, Spánar.
Spánn háir erfiða baráttu við kórónuveiruna og hefur veiran breiðst hratt út um landið síðustu daga og vikur.
De Gea sendi því 270 þúsund pund heim til Spánar til að hjálpa við að kaupa búnað og fleira sem þarf til að berjast gegn veirunni.
Markvörðurinn hefur búið á Englandi í tæp tíu ár þar sem veiran er að hafa gríðarleg áhrif þessa dagana.
Margir knattspyrnumenn reyna að hjálpa til á þessum erfiðu tímum með fjármunum og öðru.
