Ronaldinho var ein skærasta stjarna fótboltans um langt skeið en nú virðist lífið hans í molum, eignir hafa verið teknar af honum og vegabréfið hans er falsað.
Ronaldinho er frá Brasilíu en hann er 39 ára gamall, hann var um tíma besti knattspyrnumaður í heimi þegar hann lék með Barcelona. Eftir heimkomuna til Brasilíu hefur hallað undan fæti og vandræði hans utan vallar og fréttir um einkalíf hans hafa mikið verið í fréttum.
Árið 2018 komst það í fréttirnar að Ronaldinho væri að skoða það að giftast tveimur konum, á þessum tíma átti Ronaldinho tvær kærustur. Þær Beatriz Souza og Priscilla Coelho áttu báðar heima hjá Ronaldinho. Hann þurfti að neita þessum sögusögnum enda er það glæpur í Brasilíu að giftast tveimur konum, við slíku broti er hægt að dæma menn í sex ára fangelsi.
Priscilla ákvað að slíta sambandi við Ronaldinho skömmu eftir þetta. ,,Hann var með herbergi fyrir sig og Priscilla og svo var hann með herbergi fyrir sig og Beatriz,“ sagði móðir Priscilla eftir að þau slitu sambandinu.
,,Þær voru aldrei í sama rúminu, hann skipti dögunum á milli þeirra. Hann gaf þeim alltaf það sama, þær fengu sömu gjafir. Einn daginn fengu þær eins Rolex úr.“
Ronaldinho var árið 2018 á heimili sínu þegar lögreglan mætti, hann skuldaði skattinum um 300 milljónir og hafði ekki borgað. Tveir bílar og málverk voru tekinn af heimili hans, reynt var að ná upp í sektina.
Sektin hans við skattinn hækkaði svo og skömmu síðar voru 57 fasteignir í eigu Ronaldinho, teknar af honum.
Ronaldinho var með vegabréf frá Spáni og Brasilíu, bæði voru tekinn af honum á dögunum. Hann var svo tekinn í Paragvæ í vikunni, þar er hann sakaður um að hafa verið með falsað vegabréf og er að svara til saka þessa dagana.
