Chris Smalling, varnarmaður Manchester United hefur staðið sig með miklum ágætum á Ítalíu. Varnarmaðurinn er á láni hjá Roma.

Smalling var gagnrýndur af Gareth Southgate, þjálfara Englands árið 2017 þegar hann hætti að velja hann. Hann sagði Smalling ekki nógu góðan í löppunum, að boltinn væri ekki vinur hans.

Smalling er líklega að spila sinn besta fótbolta núna og gæti Southgate skoðað að velja hann fyrir EM í sumar.

,,Ég hef aldrei útilokað neinn, það væri rangt af mér,“ sagi Southgate um stöðu Smalling í dag.

,,Ég sé eftir því hvernig ég orðaði hlutina, ég var að tala um það sem ég vildi sjá en þetta kom út sem gagnrýni á Smalling. Það er mér að kenna og var ekki vel gert gagnvart Smalling.“