Ef marka má fréttir á Spáni ætlar Paul Pogba að reyna að koma sér til Real Madrid í janúar. Hann vill ekki vera hjá Manchester United.
Pogba vildi fara frá Manchester United í sumar en Real Madrid og Juventus höfðu áhuga.
Vitað er að Zinedine Zidane, þjálfari Real Madrid hefur mikinn áhuga á að fá Pogba í raðir félagsins.
Pogba hefur ekki spilað síðustu vikur vegna meiðsla og ekki er öruggt að hann verði leikfær á þessu ári. Hann er nú staddur í Miami, þar sem hann er í endurhæfingu.
Miðlar á Spáni segja að Pogba muni reyna að koma sér til Real Madrid í janúar en ekki er vitað hvort félagið hafi fjármagn til að kaupa hann þá.
