The Athletic segir frá því í dag að Manchester City undirbúi það að Pep Guardiola hætti störfum.

Guardiola er á sínu fjórða ári sem stjóri City en hann á eitt ár eftir af samningi. Samkvæmt fréttinni þá telja allir sem koma að málinu að Guardiola, geri ekki nýjan samning.

Daniel Taylor sem skrifar fréttina segir einnig möguleika á því að Guardiola láti af störfum næsta sumar.

Hann var fjögur ár með Barcelona, þrjú ár með Bayern og á sínu fjórða ári með City gæti hann viljað aðra áskorun.

Guardiola er að margra mati besti þjálfari fótboltans í dag, hann vinnur titla alls staðar. Ekki er vitað í hvaða átt City mun leita, ákveði Guardiola að hoppa frá borði næsta sumar.