90 mínútur, hlaðvarpsþátturinn er í fullu fjöri þessa dagana. Gestur þáttarins að þessu sinni er Just a kid from Darlo sem vann gullskóinn.

Það hefur fátt annað verið rætt í sumar í Pepsi Max-deildinni en um Gary Martin.

Framherjinn sem Valur fékk en sparkaði út eftir nokkra leiki. Hann fór í ÍBV og vann gullskóinn.

Gary hefur átt skrautlegan feril og lék eitt sinn með liði Ujpest í Ungverjalandi þar sem hann spilaði tvo leiki.

Gary var þar í láni frá Middlesbrough en stuttu seinna var hann kominn til Íslands og samdi við ÍA.

Gary talaði aðeins um tíma sinn hjá Ujpest en liðið er eitt það stærsta þar í landi og hefur unnið deildina 20 sinnum.

,,Einu sinni vorum við að æfa á vellinum, nokkrum dögum fyrir leik sem er eðlilegt,“ sagði Gary sem var 19 ára gamall á þessum tíma.

,,Á þessum velli þá eru steinsæti í horninu sem er hægt að labba yfir, ég hef aldrei séð þannig áður.“

,,Við erum að æfa og ég er að skjóta frá þessum hluta vallarins, ég sný mér svo við og þá eru 50-60 fótboltabullur mættar. Þeir voru með ör í andlitinu, húðflúr út um allt og þeir gengu að okkur.“

,,Ég hljóp beint inn í leikmannagöngin og vildi komast burt. Fyrirliði liðsins sagði við mig: ‘Þeir vilja bara tala, þeir gera ekkert.’

,,Við þurftum að útskýra af hverju úrslitin voru svona slæm, þeir eru klikkaðir í Ungverjalandi og leikmenn voru heldur ekki að fá borgað.“

,,Stuðningsmennirnir skildu ekki hvað var í gangi. Það þurfti að útskýra þetta fyrir þeim. Eftir þetta þá vildi ég ekki snúa aftur á æfingu.“