Pétur Pétursson, þjálfari Vals í kvennaflokki, var að vonum smá súr í kvöld eftir leik við Breiðablik.
Valur gat tryggt sér Íslandsmeistaratitilinn í kvöld en Blikar jöfnuðu metin í 1-1 þegar uppbótartíminn var nánast liðinn.
,,Það var hátt í sex mínútur yfir. Þeir dæma þetta og það er að minnsta kosti einhverjar mínútur en svona er þetta stundum,“ sagði Pétur.
,,Þetta var ekki þægilegt en að sama skapi eigum við einn leik eftir og við klárum titilinn um næstu helgi.“
,,Það hefði verið betra að vinna þetta. Frammistaðan var fín, varnarlega voru þær fínar en vindurinn hafði áhrif og þá sérstaklega í fyrri hálfleik.“