Kári Árnason er bikarmeistari 2019 rétt eins og allir leikmenn Víkings R. eftir 1-0 sigur á FH í kvöld.
Víkingar mættu FH á Laugardalsvelli en Kári gat ekki spilað leikinn vegna meiðsla.
,,Þetta var hræðilegt sko, ég held að ég hafi aldrei verið eins stressaður fyrir leik,“ sagði Kári um að vera í stúkunni.
,,Þessir strákar eru búnir að snúa við blaðinu í sögu Víkings og þeir geta verið stoltir af því, það eru allir stoltir af liðinu.“
,,Meiðslin mín eru fyrstu gráðu tognun og það var ferillinn undir að spila, það getur rifið vöðvann algjörlega. Það var ekkert vit í því að vera með eitthvað súkkulaði inná.“
