Sol Campbell hefur sagt upp störfum sem þjálfari Macclesfield Town. Sömu sögu er að segja af Hermanni Hreiðarssyni, aðstoðarmanni hans.

Hermann réð sig til starfa hjá Macclesfield Town í sumar til aðstoða gamlan vin.

Campbell tók við Macclesfield Town í fyrra og hélt liðinu uppi og var vinsæll á meðan leikmanna liðsins.

Hermann tók til starfa í júlí en nú mánuði síðar hefur hann sagt upp störfum, óvíst er hvað hann tekur sér fyrir hendur.

Hermann var á undan aðstoðarþjálfari í Indlandi en hann hefur þjálfað ÍBV og Fylki hér heima.

The Mirror greinir frá því í dag að Campbell og Hermann hafi sagt upp störfum þar sem þeir höfðu ekki fengið greidd laun.

Macclesfield er í fjárhagsvandræðum og hafa tvímenningarnir ekki fengið borgað í fjóra mánuði.

Það kostaði sitt að lokum en leikmenn liðsins fengu ekki greidd laun á síðustu leiktíð og hótuðu að mæta ekki í síðasta deildarleikinn vegna þess.