Það loga eldar hjá Real Madrid sem virðist erfitt að slökkva, Zinedine Zidane tók aftur við liðinu á þessu ári. Undirbúningstímabilið hefur reynst honum erfitt.
Zidane hefur eytt miklum fjármunum í liðið en nýju mennirnir hafa ekki fundið taktinn.
Einn af þeim er Luka Jovic, framherji sem Real Madrid keypti í sumar. Félagið borgaði rúma 9 milljarða til að fá þennan 21 árs gamla framherja.
Sagt er að samband Zidane og Jovic sé orðið stirt, þeir talist lítið saman og að Jovic gæti verið á förum. Real Madrid sé að skoða það að lána Jovic, tveimur mánuðum eftir að hafa keypt hann.
Real Madrid fékk einnig Eden Hazard sem mætti alltof þungur til leiks og er að reyna að taka bumbuna af sér.
Þá gengur Zidane erfiðlega að losa sig við Gareth Bale og James Rodriguez, tveir leikmenn sem hann vill ekki hafa hjá Real Madrid.