Ole Gunnar Solskjær, stjóri Manchester United, ætlar að ræða við bakvörðinn Ashley Young.
Young spilaði með United gegn Inter Milan í æfingaleik í dag en þeir ensku höfðu betur, 1-0.
Young er ekki vinsæll leikmaður á Old Trafford og var mikið baulað á hann í dag, nánast í hvert skipti sem hann snerti boltann.
,,Ashley er frábær atvinnumaður. Hann gefur allt í sölurnar og hans sending skilaði marki í dag,“ sagði Solskjær.
,,Við viljum að stuðningsmenn styðji við leikmennina og Ashley hefur verið trúr þessu félagi í mörg ár.“
,,Ég hef ekki rætt við hann, leikmennirnir þurftu að hlaupa eftir leikinn en við munum tala saman.“