Manchester United ætlar að hækka verðmiðann á miðjumanninum Paul Pogba ef umboðsmaður hans Mino Raiola heldur áfram að búa til vesen.
Raiola reynir þessa dagana að koma Pogba burt en Real Madrid og Juventus eru sögð áhugasöm.
Raiola er einn umdeildasti umboðsmaður Evrópu en Pogba vill sjálfur komast annað í sumar.
United er talið vilja allt að 150 milljónir punda fyrir Pogba sem kostaði 89 milljónir árið 2016.
United er komið með nóg af hegðun Raiola og mun hækka verðmiðann í 180 milljónir ef hann fer ekki að róa sig í samtali við fjölmiðla.
Ef eitthvað lið borgar 180 milljónir fyrir Pogba þá tvöfaldar United þá upphæð sem borgað var fyrir hann fyrir þremur árum.
