Rúnar Páll Sigmundsson, þjálfari Stjörnunnar, var fúll í kvöld eftir leik sinna manna gegn Breiðabliki í kvöld.

Eftir að hafa komist yfir í 1-0 í Garðabænum þá skoruðu Blikar þrjú mörk og kláruðu leikinn 3-1 að lokum.

,,Þetta er bara eins og alltaf með að tapa leikjum, það er hundleiðinlegt. Síðasti hálftíminn var mikil vonbrigði og Blikar tóku yfir leikinn og klára þetta sannfærandi. Þeir voru miklu betri og áttu þetta fyllilega skilið,“ sagði Rúnar við Stöð 2 Sport.

,,Þeir tóku yfir miðjuna og svo skora þeir draumamark eftir hornspyrnu og svo annað draumamark frá Guðjóni sem við fengum í andlitið. Við brotnuðum bara.“

,,Við vrum með fínt control þar til þeir skora markið og við misstum skipulag. Við ógnuðum lítið eftir markið sem við skoruðum.“