Juventus hefur staðfest að Maurizio Sarri sé nýr þjálfari liðsins. Hann kemur frá Chelsea.
Sarri er að taka við Juventus á Ítalíu og yfirgefur enska stórliðið eftir aðeins eitt ár.
Sarri vissi það í mars að hann þyrfti að kveðja Chelsea eftir leik gegn Cardiff í úrvalsdeildinni.
Stuðningsmenn Chelsea voru með áreiti í garð Sarri í þeim leik og áttaði hann á sig á þeim tímapunkti að hann gæti þurft að fara.
Chelsea vann leikinn 2-1 gegn Cardiff á lokasekúndunum en frammistaðan var alls ekki sannfærandi.
Eftir þann leik fékk Sarri oft að heyra það úr stúkunni en hann telur þau viðbrögð hafa verið mjög ósanngjörn.