Patrice Eva, fyrrum bakvörður Manchester United telur að Paul Pogba fari frá félaginu í sumar. Það sem gerir orð Evra nokkuð merkileg, er að Pogba er hans besti vinur. Þeir eru samlandar og Pogba fer mikið til London, til að skella sér út að borða með Evra og hafa gaman.

Pogba átti fínasta tímabil en oft á tíðum leggur hann sig ekki allan fram, það fer illa í stuðningsmenn United.

,,Ég held að Pogba fari, þú verður að finna fyrir ást þegar þú spilar með liði. Þú verður að vilja vera þarna, ef Paul ætlar að taka annað ár og fara svo, eða taka nokkur ár og fara svo. Þá kannski elska stuðningsmennirnir hann, af því að hann er áfram,“ sagði Evra.

Ensk og spænsk blöð segja að launapakki hans gæti orðið til þess að Real Madrid muni ekki fá hann. Sagt er að Pogba vilji 13 milljónir punda á ári, það sama og hann þénar hjá Manchester United.

Real Madrid vill lækka laun hans en ólíklegt er að Pogba taki það í mál.