Arsenal á Englandi er sagt vera tilbúið að leyfa Aaron Ramsey að semja við spænska stórliðið Barcelona í sumar.
Ramsey hefur verið orðaður við brottför en hann á aðeins eitt ár eftir af samningi sínum á Emirates.
Arsenal hefur ekki náð samkomulagi við leikmanninn um nýjan samning og vill ekki missa hann frítt næsta sumar.
Samkvæmt spænska miðlinum Sport reynir Arsenal nú að fá Ousmane Dembele frá Barcelona í skiptum fyrir Ramsey.
Arsenal þyrfti þó að borga aukalega fyrir Dembele sem kom til Barcelona fyrir risaupphæð frá Borussia Dortmund í fyrra.
Dembele þótti ekki standa undir væntingum á fyrsta tímabili sínu á Nou Camp og er sagður vera til sölu.
