Fjöldi leikja fór fram í ensku Championship deildinni í kvöld og var þeim að ljúka núna rétt í þessu.

Aston Villa vann frábæran 1-0 sigur á Cardiff þar sem að Jack Grealish skoraði eina mark leiksins á 85. mínútu.

Birkir Bjarnason var ekki með Villa í kvöld en Aron Einar Gunnarsson spilaði allan leikinn á miðjunni hjá Cardiff.

Þá var Jón Daði Böðvarsson í byrjunarliði Reading sem tapaði 0-1 fyrir Fulham en Íslendingnum var skipt af velli á 69. mínútu.

Cardiff er komið í þriðja sæti deildarinnar með 80 stig, Villa er í fjórða sætinu með 76 stig og Reading er í nítjánda sætinu með 42 stig.