Liverpool er í dag orðað við sóknarmanninn Anthony Gordon sem er á mála hjá Newcastle í ensku úrvalsdeildinni.

Liverpool ætlar að styrkja sig töluvert fyrir næsta tímabil og er að fá til sín Florian Wirtz frá Bayer Leverkusen.

Wirtz mun kosta 116 milljónir punda og Gordon er ekki mikið ódýrari en Englandsmeistararnir ætla að bjóða 100 milljónir í enska landsliðsmanninn.

Gordon átti fínt tímabil með Newcastle í vetur en hann skoraði sex mörk og lagði upp önnur fimm – hann hefur áður verið á óskalista Liverpool.

Samkvæmt enskum miðlum er Liverpool að undirbúa 100 milljóna punda tilboð í leikmanninn sem gerði nýjan samning á síðasta tímabili.