Manchester City hefur fært stuðningsmönnum sínum góðar fréttir fyrir næsta tímabil í ensku úrvalsdeildinni sem hefst eftir um tvo mánuði.
Stuðningsmenn City hafa lengi kvartað yfir miðaverði á Etihad vellinum og eftir mikil mótmæli um tíma hefur sú rödd skilað sér.
City er búið að lækka miðaverð á svokölluðum ‘C’ leikjum um 43 prósent en dýrustu miðarnir eru 22 prósent ódýrari eða ‘A’ leikirnir sem eru þá stórleikir gegn liðum eins og Manchester United, Chelsea, Liverpool og Arsenal.
Stuðningsmenn City fagna þessum fréttum en stuðningsmenn munu þurfa að borga á milli 40 og 60 pund fyrir aðgang að umtöluðu ‘A’ leikjunum.
Miðar á ‘B’ leikina eru fimm pundum ódýrari og miðar á ‘C’ leikina eru þá tíu pundum ódýrari en á síðustu leiktíð.
