Fyrrum knattspyrnustjarnan Trevor Sinclair er gjaldþrota en þetta kemur nú fram í mörgum enskum miðlum.
Sinclair er fyrrum landsliðsmaður Englands en hann lék með liðum eins og West Ham, QPR og Manchester City á sínum ferli.
Sinclair er í dag 52 ára gamall en hann hefur undanfarin ár starfað sem sparkspekingur í sjónvarpi.
Sinclair þénaði vel frá 2021 til 2022 en borgaði aldrei skatt af þeirri upphæð sem var yfir sex milljónir króna og er því úrskurðaður gjaldþrota.
Málið hefur verið í skoðun undanfarin tvö eða þrjú ár en hann gaf ekki kost á því að borga upphæðina og mætti þá ekki fyrir rétt til að útskýra sitt mál.
Dómari málsins tók því ákvörðunina í sínar hendur og segir að Sinclair hafi einfaldlega ekki áhuga eða tök á því að borga skuldina sem endaði með þessum úrskurði.
