Tottenham tók á móti Juventus í seinni leik liðanna í 16-liða úrslitum Meistaradeildarinnar í kvöld en leiknum lauk með 2-1 sigri gestanna.
Heung-Min Son kom Tottenham yfir í fyrri hálfleik en þeir Gonzalo Higuain og Paulo Dybala skoruðu fyrir Juventus í síðari hálfleik og niðurstaðan því 2-1 sigur gestanna.
Fyrri leik liðanna lauk með 2-2 jafntefli og Juventus fer því áfram í 8-liða úrslitin, samanlagt 4-3.
Wojciech Szczesny, varamarkmaður Juventus og fyrrum leikmaður Arsenal gerði grín að ósigri Tottenham í kvöld á Instagram og nuddaði salti í sárin.
Þar benti hann á að eitt af betri liðum norður London væri úr leik og að norður London væri rauð.
Mynd af þessu má sjá hér fyrir neðan.
