Rio Ferdinand og Paul Scholes fyrrum leikmenn Manchester United telja að Jose Mourinho sé að feta í sömu fótspor og Sir Alex Ferguson hjá félaginu.

Mourinho er stundum í stríði við fjölmiðla og aðra og þeir sjá sömu merki hjá honum og Sir Alex Ferguson í svona málum.

,,Hann er að innleiða hugarfarið þar sem allir eru á móti þeim,“ sagði Ferdinand.

,,Hann reynir að láta alla halda að það séu allir á móti þeim, hann vill að menn svari því.“

,,Stundum gera stjórar þetta, þetta er hluti af því að vera stjóri.“

Paul Scholes tók undir með Ferdinand. ,,Ferguson gerði þetta líka, hann vildi ekki að neitt færi úr klefanum.“