Manchester United og Liverpool eigast nú við í Bandaríkjunum en um er að ræða leik í ICC æfingamótinu.
Leikurinn í kvöld hefur ekki verið nein frábær skemmtun en staðan er 2-1 fyrir Liverpool þessa stundina.
Spilað er í Michigan í Bandaríkjunum og mættu yfir 100 þúsund manns til að sjá liðin spila í kvöld.
Bæði lið eiga stóran hóp stuðningsmanna í Bandaríkjunum en 107 þúsund manns komast fyrir á Michigan Stadium þar sem leikurinn fer fram.
Um 20 mínútur eru eftir af leiknum þessa stundina en Daniel Sturridge var að koma Liverpool yfir.
Hér fyrir neðan má sjá myndir af áhorfendafjölda kvöldsins.
