Manchester United tekur á móti Stoke í mánudagsleik ensku úrvalsdeildarinnar í kvöld klukkan 20:00 og eru byrjunarliðin klár.
Henrikh Mkhitaryan, sóknarmaður United er ekki í hóp og nú vilja enskir fjölmiðlar meina að hann gæti verið á förum til Arsenal í skiptum fyrir Alexis Sanchez.
Sanchez hefur verið sterklega orðaður við United að undanförnu en samningur hans við Arsenal rennur út í sumar.
Arsenal er tilbúið að selja Sanchez í janúar fyrir rétta upphæð en United og Manchester City hafa bæði mikinn áhuga á leikmanninum.
Mkhitaryan hefur ekki átt fast sæti í liði United á þessari leiktíð en Jose Mourinho, stjóri United virðist ekki hafa trú á honum.
