Tónlistar- og leikkonan Awkwafina stal gjörsamlega senunni á rauða dreglinum á Óskarsverðlaunahátíðinni í nótt, en þessi fjölhæfa stjarna úr kvikmyndinni Crazy Rich Asians kynnti verðlaun í fyrsta sinn á hátíðinni.
WWD birtir myndband af því á Twitter þegar að Awkwafina gerir sér lítið fyrir í viðtali á dreglinum og fær sér sjúss af Tequila úr handtösku sinni. Í athugasemdum við myndbandið kemur í ljós að fólk fílar þetta athæfi stjörnunnar, en það vekur einnig upp spurningar um hvar hún fékk töskuna með sjússinum.
Coming in clutch on the #Oscars red carpet. @awkwafina takes a swig of tequila from @iamguillermo. pic.twitter.com/eUWeKPQC5w
— WWD (@wwd) February 24, 2019
Awkwafina bar nefnilega aðra handtösku á rauða dreglinum fyrir Tequila-stuðið, eins og sést á myndinni hér fyrir neðan.
