fbpx
Mánudagur 21.janúar 2019
Matur

Þú finnur ekki trylltari morgunmat en þennan

Lilja Katrín Gunnarsdóttir
Fimmtudaginn 18. október 2018 21:30

Við gætum borðað þetta á hverjum morgni.

Sumir segja að morgunmatur sé mikilvægasta máltíð dagsins. Það er ofboðslega ljúft að eiga rólega og góða byrjun á deginum, sérstaklega ef það er eitthvað gott með kaffinu. Þessi morgunverðarréttur er svo rosalega góður og tilkomumikill að það er erfitt að hemja sig.

Sætkartöflu risahleifur

Hráefni:

2 stórar sætkartöflur
1 msk. ólífuolía
2 tsk. salt
2 tsk. pipar
8 egg
1 tómatur, skorinn smátt
¼ bolli vorlaukur, saxaður
1 elduð paprika, skorin í bita
½ tsk. hvítlaukskrydd
120 ml mjólk
bökunarsprey
10 skinkusneiðar
80 g spínat

Aðferð:

Hitið ofninn í 220°C og takið til brauðform. Spreyið það vel með bökunarspreyi. Skerið sætkartöflurnar í þunnar sneiðar, en hér er gott að nota mandólín ef svoleiðis er til á heimilinu. Setjið kartöflurnar í skál og kryddið þær með 1 teskeið af salti og 1 teskeið af pipar og drissið olíunni yfir þær. Hrærið vel í þessu og raðið kartöflusneiðunum síðan á smjörpappírsklædda ofnplötu. Bakið í 10 mínútur.

Blandið eggjum, tómati, vorlauk, papriku, hvítlaukskryddi, restinni af salti og pipar og mjólk vel saman í skál. Lækkið hitann á ofninum í 200°C. Raðið kartöflusneiðunum í botninn og upp hliðarnar á brauðforminu. Raðið helmingnum af skinkusneiðunum ofan á kartöflurnar, síðan spínatinu, bætið síðan við öðru lagi af sætkartöflum, svo eggjablöndunni, þá restinni af skinkunni og loks restinni af kartöflusneiðunum. Brettið upp á kartöflusneiðarnar á hliðunum til að loka herlegheitunum. Bakið í 30 mínútur og leyfið þessu að kólna aðeins áður en tekið er úr forminu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta borðar ofurfyrirsæta yfir daginn

Þetta borðar ofurfyrirsæta yfir daginn
Matur
Fyrir 2 dögum

Costco setur nýjan rétt á matseðil og Íslendingar elska það

Costco setur nýjan rétt á matseðil og Íslendingar elska það
Matur
Fyrir 3 dögum

Lágstemmd brúðarterta umdeildasta piparsveins í heimi

Lágstemmd brúðarterta umdeildasta piparsveins í heimi
Matur
Fyrir 3 dögum

Toppa sig enn á ný með óhefðbundinni Super Bowl-auglýsingu

Toppa sig enn á ný með óhefðbundinni Super Bowl-auglýsingu
Matur
Fyrir 4 dögum

Íslensk móðir neyðist til að gefa börnunum næringarsnauðan mat: „Græðgin er að drepa allt hérna“

Íslensk móðir neyðist til að gefa börnunum næringarsnauðan mat: „Græðgin er að drepa allt hérna“
Matur
Fyrir 4 dögum

Emmy Rossum gerir upp fortíðina: „Endalok á einhverju er byrjun á einhverju öðru“

Emmy Rossum gerir upp fortíðina: „Endalok á einhverju er byrjun á einhverju öðru“