fbpx
Þriðjudagur 19.febrúar 2019
Kynning

Westfjords Adventures: Gönguævintýri og sjóstangaveiði í náttúrufegurð Vestfjarða

Kynning
Ágúst Borgþór Sverrisson
Föstudaginn 20. júlí 2018 10:39

Ekki missa af Helstu tíðindum dagsins í pósthólfið þitt

Lesa nánar

Vestfirðirnir hafa til að bera fjölbreytta og heillandi náttúrufegurð sem laðar að bæði innlenda og erlenda ferðamenn. Ferðaþjónustufyrirtækið Westfjords Adventures var stofnað árið 2012 og er staðsett að Þórsgötu 8a á Patreksfirði. Erlendir ferðamenn, sem dreymir um að upplifa ævintýri í ægifagurri og hrikalegri náttúru Íslands, sækja mjög í ferðir hjá fyrirtækinu en ferðirnar henta líka afar vel íslenskum ferðamönnum sem vilja kynnast landinu sínu.

„Íslenskir ferðamenn sækja helst í gönguferðirnar hjá okkur. Við erum með heildarþjónustu fyrir gönguhópa, bæði leiðsögn og ráðgjöf um samsetningu gönguleiða. Gönguhópar fá ráðgjöf hjá okkur um heppilegar gönguleiðir með tilliti til lengdar og erfiðleikastigs. Oftast eru þetta tveir til fjórir göngudagar og við sjáum meðal annars um rútuferðir til að ferja fólk á milli staða, gistingu og mat fyrir hópinn,“ segir Gunnþórunn Bender hjá Westfjords Adventures og nefnir vinsælustu gönguleiðirnar:

„Það er afskaplega vinsælt að ganga um brúnir Látrabjargs. Þetta er þægileg ganga og margt að sjá og bjargið er í senn ægifagurt og ógnvænlegt. Einnig er vinsælt að fara frá Rauðasandi til Barðastrandar og um víkurnar.“

Sjóstangaveiðin vinsæl

Gunnþórunn segir að sjóstangaveiðiferðir séu líka afar vinsælar meðal íslenskra ferðamanna. „Við erum einnig með ferð sem við köllum „Fish and dine“ en þá er farið á sjóstöng og síðan er aflinn eldaður á veitingahúsi,“ segir Gunnþórunn.

Hún segir að þessar hópferðir séu langvinsælastar hjá Íslendingum en útlendingar séu meira fyrir einkaferðir á Látrabjarg, fuglaskoðunarferðir og ljósmyndaferðir.

Frábær leið til að hrista hópinn saman

Westfjords Adventures sérhæfir sig einnig í hvata- og fyrirtækjaferðum og setur þá upp dagskrá þar sem fólk getur valið um afþreyingu, svo sem gönguferðir, hjólaferðir, jeppaferðir, bátaferðir, snjósleðaferðir og fleira. „Við nýtum okkur einnig heitu laugarnar sem hér er að finna allt í kring. Þetta er frábær leið til að hrista saman hópa og gera eitthvað skemmtilegt í nýju umhverfi. Síðan toppum við daginn með ljúffengum mat og góðri gistingu. Við sérsníðum ferðir fyrir hvern og einn hóp svo upplifunin verði sem mest,“ segir Gunnþórunn.

Westfjords Adventures er einnig með hjólaleigu og bílaleigu, rekur upplýsingamiðstöð yfir sumartímann og heldur úti áætlunarferðum milli Patreksfjarðar, Brjánslækjar og Ísafjarðar í tengslum við ferjuna Baldur sem siglir yfir Breiðafjörðinn.

Nánari upplýsingar eru á vefsíðunni wa.is. Einnig er hægt að fá nánari upplýsingar og bóka ferðir í síma 456-5006. Enn fremur er heppilegt að senda fyrirspurnir á netfangið info@wa.is og er þeim svarað hratt og greiðlega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 2 dögum

250 litir: Gott orðspor er gulli betra

250 litir: Gott orðspor er gulli betra
Kynning
Fyrir 2 dögum

Lagnir og lóðir ehf: Jarð-, lagna- og lóðavinna

Lagnir og lóðir ehf: Jarð-, lagna- og lóðavinna
Kynning
Fyrir 3 dögum

Litli klettur: Engin vandamál, bara verkefni sem þarf að vinna

Litli klettur: Engin vandamál, bara verkefni sem þarf að vinna
Kynning
Fyrir 5 dögum

Kanadískir ferðamenn elska íslenskt Stjörnu Partý mix: „Ómögulegt að borða þetta snakk hægt“

Kanadískir ferðamenn elska íslenskt Stjörnu Partý mix: „Ómögulegt að borða þetta snakk hægt“
Kynning
Fyrir 1 viku

Þak.is: Reynsla og þekking er besta auglýsingin

Þak.is: Reynsla og þekking er besta auglýsingin
Kynning
Fyrir 1 viku

Við tökum þátt í Lífshlaupinu

Við tökum þátt í Lífshlaupinu
Kynning
Fyrir 1 viku

Tónaflóð: traust, þekking, reynsla og gamalgrónir viðskiptavinir

Tónaflóð: traust, þekking, reynsla og gamalgrónir viðskiptavinir
Kynning
Fyrir 1 viku

Leiðni slf: Gerðu frekar eitthvað skemmtilegt fyrir sparnaðinn

Leiðni slf: Gerðu frekar eitthvað skemmtilegt fyrir sparnaðinn