Nýjasta línan af OLED-sjónvörpum frá Philips er komin í verslanir Heimilistækja.

Philips OLED+ er glæsilegt örþunnt sjónvarp með mögnuðu þriggja hliða Ambilight sem dregur þig inn í atburðarásina og heldur þér þar með litum sem skiptast og dansa í takt við myndefnið. Ambilight-baklýsingin er einn þekktasti eiginleiki Philips-sjónvarpa og hefur hlotið lof fyrir að gera áhorfið þægilegra fyrir augun en jafnframt fegra umhverfið með sjónarspili sínu.

Ólíkt hefðbundnum sjónvörpum, þar sem slokknar aldrei fullkomlega á ljóspixlunum, slekkur OLED á pixlunum þegar þeir eru ekki notkun svo svartur litur verður fullkomlega svartur á skjánum.

Þannig verður hvítur hvítari og svartur svartari og allir litir verða margslungnari með OLED.

P5-myndvinnslan framkallar ótrúleg myndgæði með kröftugum litum og enn meiri skerpu. P5 gerir myndgæðin svo raunveruleg og smáatriðin skýr jafnvel í skugganum. Auk þess verður hreyfingin á skjánum mjúk hvort sem þú streymir uppáhaldsþættinum þínum eða fylgist með boltanum, P5 gerir magnað OLED-sjónvarp enn betra.

Notendaupplifunin verður hnökralaus og skemmtilegri með Android-stýrikerfi og Google Assistant-raddstýringu sem veit alltaf svarið þegar þú spyrð.

Með fullkomnu sjónvarpi er fullkomið hljóð nauðsynlegt. Philips fékk hljóðsérfræðingana frá Bowers & Wilkins til liðs við sig til þess að skapa öflugt hljóðkerfi sem fullkomnar sjónvarpsupplifunina en hljóðkerfið er einungis fáanlegt í OLED+ 903-línunni.

Það er því engin furða að OLED 903-sjónvarpið frá Philips hafi hlotið EISA-verðlaunin fyrir besta heimabíó sjónvarpið 2018–2019.

Philips OLED 803 og 903 fást í 55“ og 65“

Philips OLED-sjónvörpin fást í Heimilistækjum og þau má skoða ht.is