Erna gull- og silfursmiðja, Skipholti 3
Erna gull- og silfursmiðja rekur sögu sína allt aftur til ársins 1924 og fer fyrirtækið því að nálgast 100 ára afmæli. Guðlaugur A. Magnússon gullsmiður hóf starfsemi sína á Ísafirði í febrúar árið 1924 með gull- og silfursmíðaverkstæði ásamt tilheyrandi verslun með framleiðslu verkstæðisins. Starfsemin fluttist til Reykjavíkur árið 1927 og hefur verið í höfuðborginni síðan þá. Auk úra og skartgripa hefur fyrirtækið verið framarlega í hönnun og framleiðslu borðbúnaðar.
Í dag er Erna til húsa að Skipholti 3, Reykjavík. Framkvæmdastjóri fyrirtækisins er Sara Steina Reynisdóttir, en faðir hennar, Reynir Guðlaugsson, var meistari smiðjunnar frá árunum 1952 til 2001.
Við hönnun gripa í Ernu er fornt handverk í hávegum haft og flestir munir eru handsmíðaðir. Hér að neðan er stiklað á stóru um nokkra merkilega gripi sem hafa verið þróaðir og hannaðir í Ernu:
Ríkarður Jónsson, einn fremsti listamaður þjóðarinnar á 20. öld, teiknaði armbandið fyrir Guðlaug A. Magnússon gullsmið, innblásinn af Njáls sögu. Karl Guðmundsson, myndskeri frá Þinganesi, er nam hjá Ríkarði, var fenginn til þess að skera út frumgerð armbandsins. Karl hannaði einnig silfurmuni sem framleiddir hafa verið, eins og armbandið hjá Gull-og silfursmiðjunni Ernu um áratuga skeið. Djúpar rætur magna glæsileik þessa fagra grips er fylgir eiganda sínum, tímalaust djásn. (verð 159.200,-).
Herraskartgripalína sem á sér rætur í germanskri járnöld.
Massífir, verklegir hlutir, hringar (15.500,-) og ermahnappar (25.500,-).
Klassískur íslenskur silfurborðbúnaður með mynstrum sem hafa íslensk þemu, sum úr blómaríkinu. Gripir sem prýða borð hjá fagurkerum hér heima og erlendis – í raun eitt best geymda leyndarmálið á Íslandi!
Íslenskt úramerki þar sem nýjungar koma fram reglulega. Núna er sjöunda herraúrið í línunni komið fram en það er sjálfvinda (automatic). Bæði dömu- og herraúr eru framleidd í þessari flottu línu og eru þau á verðbilinu 15.000–50.000 kr.
Kristal Line-úrin hafa slegið rækilega í gegn í Frakklandi og víðar. Skífan er úr Swarovski-kristöllum og verkið er svissneskt. Verðið er það sama og í heimalandinu Frakklandi (sem ekki er algengt á Íslandi), á bilinu 16.000 til rétt rúmra 20.000. Sending sem kom fyrir jól seldist upp á nokkrum dögum en núna er komin ný sending (úr á mynd sem fylgir greininni kostar 16.000 kr.).
Úr gulli, hvítagulli, silfri, titanium, tungsten, palladíum og platínu. Verðbil frá 16.500 og upp úr (tungsten-par á mynd 19.500,-).
Verslunin að Skipholti 3 er opin virka daga frá kl. 10 til 18. Nánari upplýsingar um fyrirtækið er að finna á vefsíðunni erna.is.
ATHS. Smellið á myndirnar hér fyrir neðan til að sjá þær í fullri stærð.
