Lífsstíll

12 dagar á 42 fermetra hóteli kosta 1 milljarð: Innlit í fyrsta geimhótelið

Ari Brynjólfsson
Sunnudaginn 15. apríl 2018 21:30

Ertu búinn að ferðast um alla jörðina og langar að prófa eitthvað ójarðneskt? Hefur þig dreymt um að svara í símann og segja „Ég kemst ekki í kvöld, ég er ekki á jörðinni“? Áttu milljarð til að eyða í nokkurra daga frí? Þá er Aurora-hótelið eitthvað fyrir þig.

Um er að ræða fyrsta „lúxus-geimhótelið“ sem komið verður í sporbaug umhverfis jörðu árið 2021. Hótelið er hannað af tækifyrirtækinu Orion Span og á að taka á móti fyrstu gestunum eftir fjögur ár. Hótelið er aðeins 42 fermetrar og pláss er fyrir fjóra gesti, tólf daga í einu, ásamt tveimur starfsmönnum.

Aurora-hótelið fer eina ferð umhverfis jörðina á 90 mínútum sem þýðir að gestir fá að upplifa dag og nótt sextán sinnum á sólarhring. Aðal aðdráttaraflið er að fá að lifa í þyngdarleysi en gestir fá að taka þátt í rannsóknum, rækta grænmeti og reyna að koma auga á heimabyggð sína úr 320 km fjarlægð úr lofti.

Verðmiðinn er hár, bara til að bóka pláss þarf hver gestur að reiða fram 8 milljónir króna, svo kostar 12 daga dvöl rúman milljarð. Svo þurfa gestir einnig að undirgangast ítarlega læknisskoðun áður en farið er um borð í eldflaugina sem fer upp í geimstöðina. Frank Bunger, stofnandi og forstjóri Orion Span segir þó í samtali við Robb Report að hann sjái fram á að verðmiðinn lækki þegar líður á næsta áratuga:

„Okkar markmið er í grunninn að koma sem flestum upp í geim með það að langtímamarkmiði að búa í geimnum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 1 viku

Kærkomið kaffihús í Hólmgarði

Kaffihús var opnað í Sigurjónsbakaríi í sumar

Kærkomið kaffihús í Hólmgarði
Lífsstíll
Fyrir 1 viku

Nýir símar í sérflokki – Þreföld gæði miðað við sambærileg tæki í sama verðflokki

Nýir símar í sérflokki – Þreföld gæði miðað við sambærileg tæki í sama verðflokki
Lífsstíll
Fyrir 1 viku

Lindarfiskur – Ferskasti fiskurinn á landinu

Lindarfiskur – Ferskasti fiskurinn á landinu
Lífsstíll
Fyrir 2 vikum

Flest sem lýtur að smíði og garðvinnu

Matti smiður

Flest sem lýtur að smíði og garðvinnu
Lífsstíll
Fyrir 2 vikum

Langaholt: Heimilislegt gistihús – ljúffengur matur

Langaholt: Heimilislegt gistihús – ljúffengur matur
Lífsstíll
Fyrir 3 vikum

Krydd er í hjarta Hafnarfjarðar: Humarsalat, grís í kleinuhring og fleiri snilldarverk

Krydd er í hjarta Hafnarfjarðar: Humarsalat, grís í kleinuhring og fleiri snilldarverk