Naomi Campbell hefur verið ein af vinsælustu og launahæstu fyrirsætum heims í 33 ár, eða frá því hún var uppgötvuð 15 ára gömul.

Hún hefur gengið tískupallana í flíkum eftir eftirsóttustu fatahönnuði heims, setið fyrir á óteljandi forsíðum glanstímarita, leikið í tónlistarmyndböndum og sett 16 ilmvötn í eigin nafni á markað, svo fátt ei sé talið, en hún hefur aldrei verið andlit snyrtivörumerkis. Það er þar til núna, en Campbell er andlit NARS, franska snyrtivöruframleiðandans, en hún og François Nars, stofnandi merkisins, hafa verið vinir til fjölda ára.

https://www.instagram.com/p/BrlOAknn0-9/

„Það er mikill heiður fyrir mig að vera andlit NARS, merkis sem ég hef átt gott samband við í öll þessi ár. Við François erum eins og fjölskylda,“ segir Naomi í samtali við breska Vogue.

„Naomi er lifandi goðsögn og hefur sterkan persónuleika fyrir framan myndavélarlinsuna. Ég hef þekkt hana frá því hún byrjaði í bransanum og við erum eins og fjölskylda. Ég dáist af henni, fegurð hennar og stíl.“ segir François Nars.