Úrskurðarnefnd umhverfis- og auðlindamála hefur hafnað því að fresta gildistöku starfs- og rekstrarleyfa fyrir sjókvíaeldi sem til stendur að koma á laggirnar í Seyðisfirði, en eldið hefur verið vægast sagt umdeilt. Krafðist sá fjöldi aðila sem kært hafa leyfin til nefndarinnar þess að gildistöku yrði frestað á meðan kærurnar eru til meðferðar.
Þegar lögin um að umsóknir um sjókvíaeldi við Ísland yrðu að fara í gegnum útboðsferli, en ekki bara úthlutað á færibandi eins og áður, tóku gildi var sagt að þeir sem væru þegar með umsóknir inni áður en lögin tækju gildi yrðu í gamla kerfinu og þyrftu ekki að fara í útboð.
Lykilstarfsmenn fyrirtækja og samtaka í sjávarútvegi fara þaðan beint til starfa í ráðuneyti og stofnunum sem koma að lagasetningu og leyfisveitingum. Þá fer fólk á milli stjórnsýslustiga og vinnur að sama málinu á tveimur stjórnsýslustigum. Þarna er ítrekað vanhæfi og vanhæfi veldur því að ákvörðun verður ógildanleg.
Það hafði legið fyrir frá upphafi að klár meirihluti Seyðfirðinga var harðlega á móti því að sjókvíaeldi yrði leyft í Seyðisfirði. Í bænum er mikil gróska á mörgum sviðum, t.d. mikil og vaxandi ferðaþjónusta, og sjókvíaeldi myndi skaða aðra atvinnugreinar í bænum.
Þegar kemur að leyfisveitingum í sjókvíaeldi virðist sem enginn í kerfinu beri neina ábyrgð nema bara á sínum afmarkaða hluta og því er enginn með almennilega yfirsýn. Svo eru stofnanir undirseldar öflugum norskum fjárfestum sem beita fyrir sig frekum lögmönnum. Svo eru leyfin veitt þrátt fyrir að málin séu ekki einu sinni sæmilega unnin.
Hópurinn sem mótmælir fyrirhuguðu sjókvíaeldi í Seyðisfirði finnur fyrir því að eftir að 13 þúsund undirskriftir gegn framkvæmdinni voru afhentar ráðherra koma viðbrögð frá ráðherrum og nú hafa bæði Jóhann Páll Jóhannsson og Hanna Katrín Friðriksson fundað með mótmælendum og í næstu viku eiga þau fund með Kristrúnu Frostadóttur.
Orðið á götunni er að sjókvíaeldi hér við land sé komið langt út yfir öll eðlileg mörk. Mótmæli á Seyðisfirði og í Reykjavík gegn fyrirhuguðu sjókvíaeldi í firðinum og undirskriftir meira en 13 þúsund einstaklinga sem mótmæla eldinu sýna að mælirinn er fullur og fólk er búið að fá nóg.
