Manchester United er nú í kjörstöðu upp á að krækja í varnarmanninn Lisandro Martinez hjá Ajax. Daily Mail segir frá.
Argentínumaðurinn hefur verið sterklega orðaður við bæði Man Utd og Arsenal undanfarið.
Arsenal hefur tvisvar sinnum boðið í leikmanninn í sumar. Báðum tilboðum hefur þó verið hafnað.
Man Utd er hins vegar sagt reiðubúið að greiða þá upphæð sem Ajax vill fyrir þennan 24 ára gamla leikmann, 43 milljónir punda.
Martinez getur leikið sem miðvörður og vinstri bakvörður. Þá hefur hann einnig fært sig upp á miðju í sumum leikjum.
Hann hefur verið á mála hjá Ajax síðan 2019, þar áður lék hann í heimalandi sínu.
