Tottenham og Norwich áttust við í enska bikarnum í gær en spilað var í London. Tottenham komst yfir á heimavelli sínum í kvöld með skallamarki frá varnarmanninum Jan Vertonghen.
Josip Drmic jafnaði metin fyrir Norwich þegar 12 mínútur voru eftir og framlenging næst á dagskrá. Engin mörk voru skoruð í framlengingunni og þurftu úrslitin því að ráðast í vítaspyrnukeppni. Tim Krul reyndist hetja Norwich í vítakeppninni en hann varði þrjár spyrnur og kom liðinu áfram. Norwich mætir Manchester United eða Derby í næstu umferð.
Jose Mourinho, stjóri Tottenham hafði ekki taugar í að horfa á vítaspynukeppnina og settist bara í sæti sitt.
Fyrir framan hann var þéttur hópur af mönnum og hann sá því ekki hvað var í gangi, nema á spjaldtölvu sem hann gat kíkt á. Ensk blöð segja að hann hafi hins vegar látið það eiga sig.
