Framtíð Jhon Duran hjá Al-Nassr er í lausu lofti en þessi 21 árs gamli framherji kom til félagsins í janúar.

Duran líður ekki vel í Sádí Arabíu og er andleg heilsa hans sögð slæm, sökum þess er hann mögulega á förum.

Al-Nassr borgaði 64,5 milljónir punda fyrir kauða þegar hann kom frá Aston Villa.

Unnusta framherjans fær ekki að búa með honum í Sádí Arabíu þar sem þau hafa ekki gift sig, slíkt er bannað samkvæmt lögum í landinu.

Duran var sagður vilja búa í Barein og fljúga í 80 mínútur á hverja æfingu, það var ekki gefið grænt ljós á það.

Duran skoraði tólf mörk fyrir áramót fyrir Aston Villa en samkvæmt fréttum eru nokkuð mörg lið sem fylgjast með málinu og hafa áhuga.