Napoli hefur mikinn áhuga á því að kaupa Darwin Nunez framherja Liverpool í sumar en Liverpool virðist vilja losna við hann.
Liverpool borgaði 85 milljónir punda fyrir Darwin þegar hann kom frá Benfica sumarið 2022.
Þrátt fyrir ágæta spretti hefur Darwin ekki náð að festa sig í sessi og er oft á tíðum ansi seinheppinn upp við mark andstæðingana.
Antonio Conte stjóri Napoli er sagður hafa mikinn áhuga á því að fá Darwin sem á þrjú ár eftir af samningi sínum á Anfield.
Al-NAssr reyndi að kaupa Darwin í janúar en Liverpool vildi ekki selja kappann á þeim tímapunkti.
Napoli er að ganga frá samningi við Kevin de Bruyne en ítölsku meistararnir vilja styrkja liðið sitt hressilega í sumar.
