Micky Van de Ven varnarmaður Tottenham segir leikmenn félagsins ekki hafa haft neitt um það að segja að Ange Postecoglou hafi verið rekinn.

Postecoglou var rekinn eftir að hafa unnið Evrópudeildina en hann var í tvö ár sem þjálfari liðsins.

Thomas Frank stjóri Brentford er að taka við þjálfun liðsins. „Þetta var ákvörðun félagsins,“ sagði Van de Ven við hollenska fjölmiðla og virkaði svekktur.

„Við sem leikmenn segjum ekkert, hann er sá fyrsti í langan tíma sem vinnur titil fyrir Tottenham. Ef þú horfir á það þannig er þetta furðulegt.“

„Þetta er ákvörðun félagsins og við höfum ekkert að segja, það er sagan að Thomas Frank taki við. Það er líklega valið en við fáum fréttir bara frá félaginu.“

„Margir leikmenn kunnu vel að meta Postecoglou, hann er sá fyrsti í langan tíma sem náði árangri hjá Tottenham. Hann er því með einhverja hæfileika.“