,,Ég fékk fimm bleikjur í Hlíðarvatninu í Selvogi á laugardaginn og vinur minn fékk eina,“ sagði Ásgeir Ólafsson þegar við ræddum við hann um ferðina í Hliðarvatn í Selvogi.

,,Hef aldrei áður farið í vatnaveiði á bleikju í september og langaði bara til að prufa. Væntingarnar voru ekki miklar þannig að við vorum bara sáttir. Þetta voru flottir geldfiskar og fínir í matinn. Hlíðarvatnið er búið að gleðja mig vel í sumar. Átti tvo frábæra morgna þar í júlí og gerði góða veiði,“ sagði Ásgeir í lokin

Mynd: Ásgeir Ólafsson með flottar bleikjur úr Hlíðarvatni.