Fyrrverandi hermaður að nafni Miles Cross hefur verið dæmdur í 14 ára fangelsi fyrir að selja fólki í sjálfsmorðshugleiðingum lyf til að binda enda á líf sitt.

Miles Cross er 33 ára gamall en hann seldi fjórum manneskjum dauðalyf, tvær þeirra tóku inn lyfið og létust. Skammturinn kostaði 100 pund eða um 17 þúsund íslenskar krónur.

Cross játaði sök í fjórum ákæruliðum sem vörðuðu sölu á lyfinu banvæna. Hann stóð svipbrigðalaus í réttarsalnum er dómurinn var kveðinn upp yfir honum.

Dómarinn sagði að framferði Cross og samviskuleysi vekti honum ugg í brjósti. „Þú seldir ókunnugu fólki lyfið í þeirri vissu að það myndi benda enda á líf þess sem tæki það inn,“ sagði dómarinn.

Cross seldi lyfið á netinu og pöntuðu fjórar manneskjur skammta. Hann sendi þeim lyfið í pósti eftir að hafa pantað það að utan. Cross setti upp reikning á Telegram þar sem viðskiptavinir hans gátu greitt fyrir lyfið.

Nánar um málið á Metro.