Tod sást þar borða einstaka krabbategund sem getur náð 30 ára aldri og vegið rúm 15 kíló.
Tasmaníski risakrabbinn er mjög viðkvæmur fyrir ofveiði sökum þess hversu lengi hann er að vaxa og þroskast. Óttast dýraverndunarsamtök að ofveiði gæti gert út af við stofninn.
Áströlsk yfirvöld reyna að stemma stigu við því með því að gefa út takmarkaðan kvóta, eða um 20 tonn á ári. Og verðið hátt eftir því enda þykir krabbinn býsna ljúffengur.
Í myndbandi sínu sást Tod velja sér fimmtán ára gamlan krabba úr búri sem kostaði tvö þúsund ástralska dollara, eða rúmar 160 þúsund krónur. Krabbinn var djúpsteiktur og matreiddur eftir kúnstarinnar listum og borinn fram með Singapúr-chili sósu.
„Svo opna þeir hausinn og fjarlægja allan heilaostinn sem þeir bæta út í sósuna áður en þeir bera hann fram með skál af núðlum,“ sagði hann meðal annars í myndbandinu. „Ég er pínu smeykur, þetta er eins og borða risaeðlu úr hafinu. Hvað gefa þeir þessum gæja að borða?“
Endaði hann myndbandið á að hvetja fylgjendur sína til að prófa þennan gómsæta rétt.
Fylgjendur Tods á samfélagsmiðlum voru vonsviknir með uppátæki hans eins og sést á athugasemdum sem skrifaðar hafa verið undir myndbandinu.
„Vanalega elska ég efnið þitt en nei, nú fórstu yfir strikið,“ sagði einn.
„Þessi krabbi var mjög tignarlegur og eyddi 15 árum í að stækka. Allt til þess að enda sem máltíð fyrir þig. Vissirðu að það er eitthvað til sem heitir að bera virðingu fyrir lífinu í kringum okkur,“ sagði annar.
@eatingwithtod Biggest crab I’ve ever seen 🦀 😮 FULL $10,000 SYDNEY FISH MARKET VIDEO NOW LIVE ON MY YOUTUBE ❤️ 📸 – go check it out. #australia #sydney #sydneyfood #aussie #crab #seafood #sydneyfishmarket #crazy #food #fyp ♬ original sound – Eating with Tod
