En 5G-kerfið getur valdið vandræðum í flugsamgöngum segir bandaríska loftferðaeftirlitið, Federal Aviation Adminstration (FAA), sem varar farþega, flugmenn og flugvélaframleiðendur við kerfinu. Dagbladet skýrir frá þessu.
Ef farþegar, sem eru með síma sína tengda við 5G, slökkva ekki á þeim eða setja þá á „flymode“ þegar þeir eru um borð í flugvél munu valda meiri hættu en ef sími þeirra er tengdur við 4G-kerfið segir FAA.
FAA sendi tilkynningu til flugvélaframleiðenda, flugfélaga og flugmanna nýlega þar sem hugsanleg hætta af völdum 5G er kynnt. Fram kemur að ekki hafi enn verið sannað að nýlegar truflanir um borð í flugvélum hafi verið afleiðing 5G-kerfisins.
FAA segir að flugvélageirinn þurfi að undirbúa sig undir að innleiða aðgerðir til að hægt sé að bregðast við hugsanlegum truflunum í leiðsögukerfi flugvéla samhliða því að 5G verður útbreiddara.
Segir FAA að geirinn þurfi að vera undir það búinn að 5G sendar geti ógnað tæknilegum öryggisbúnaði flugvéla. Hugsanlega geti hæðarmælar orðið óvirkir þegar flughæðin er lág. FAA hvetur flugmenn og aðra starfsmenn flugfélaga því til að gæta sérstaklega að því að farþegar slökkvi á öllum raftækjum sem eru tengd við 5G.
