Milos Zeman, forseti Tékklands, ræddi málefni Ungverjalands í viðtali við CNN Prima News í gærkvöldi. Umræðan snerist um umdeild lög í Ungverjalandi sem banna að fjallað sé um samkynhneigð, kynleiðréttingar og frávik frá því kynferði sem fólk fæðist með. Leiðtogar ESB hafa gagnrýnt Ungverja harkalega fyrir löggjöfina og hótað þeim öllu illu.
Zeman sagði að það væru stór pólitísk mistök að blanda sér í innanríkismál ESB-ríkja og varði Viktor Orban, forsætisráðherra Ungverjalands. „Ég sé enga ástæðu til að vera ósammála honum,“ sagði Zeman. CNN skýrir frá þessu.
Síðar sagði hann: „Ég skil homma, lesbíur og þannig. En veistu hvað ég skil alls ekki? Þetta transfólk.“ Hann sagði síðan: „Í eðli sínu viðbjóðslegt í mínum augum“.
Ungverjar eru í eldlínunni vegna löggjafarinnar og vangaveltur eru uppi um hvort landið eigi nokkuð erindi í ESB. Ursula von der Leyen, forseti Framkvæmdastjórnar sambandsins, sagði í síðustu viku að lögin mismuni fólki augljóslega og „brjóti gegn gildum, grunngildum ESB um mannlega virðingu, jafnrétti og grundvallarmannréttindi fólks“.
