fbpx
Mánudagur 05.maí 2025
Pressan

Trump hefur ekki greitt skatta sem neinu nemur síðustu 15 ár – „Hann lýgur, svindlar og stelur“

Kristján Kristjánsson
Mánudaginn 28. september 2020 05:34

Donald Trump. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Árum saman hefur Demókratinn Billy Pascrell barist fyrir að skattaskýrslur Donald Trump, forseta, verði gerðar opinberar. Trump hefur ekki viljað opinbera þær en í gær fjallaði New York Times um þær og skýrði frá því að á síðustu fimmtán árum hafi Trump næstum ekki greitt neinn skatt til alríkisins. Hann greiddi engan skatt í tíu af þessum fimmtán árum og lágar upphæðir í hin fimm.

„Þetta er áfall og staðfestir það sem við höfum óttast mest. Donald Trump hefur eytt öllu lífi sínu í að misnota skattkerfið með því að ljúga, svindla og stela á þann hátt að maður getur eiginlega ekki ímyndað sér það,“

skrifaði Pascrell á Twitter eftir afhjúpun New York Times.

Trump vísaði því á bug í gærkvöldi að hann hefði ekki greitt skatt:

„Þetta eru falsfréttir. Ég hef greitt mikinn tekjuskatt í New York,“

sagði hann.

Hann lofaði einnig að birta skattaupplýsingar sínar þegar yfirstandandi málum hans við skattyfirvöld er lokið.

New York Times segir að ástæðan fyrir því að Trump hefur ekki greitt skatt árum saman sé að tap hans hafi verið meira en tekjur. Ef þetta er rétt þá eru nú komnir ansi miklir brestir í þá mynd sem Trump hefur dregið upp af sjálfum sér sem duglegum og auðugum kaupsýslumanni.

Demókratar hafa ekki dregið af sér við að tjá sig um þessa „skattasprengju“ sem New York Times lét falla í gær, skömmu fyrir forsetakosningarnar.

„Hinn sjálfútnefndi milljarðamæringur Donald Trump fékk 72,9 milljónir dollara endurgreidda frá skattinum en hann greiddi ekki alríkisskatt í tíu af fimmtán árum. Trump elskar fyrirtækja sósíalisma fyrir sjálfan sig en grjótharðan kapítalisma fyrir aðra,“

skrifaði Bernie Sanders á Twitter.

Billy Pascrell segist ætla að fylgja málinu áfram og hætti ekki fyrr en öll skattagögn Trump hafi verið gerð opinber.

„Trump er spilltasti forseti sögunnar. Ég gefst ekki upp við að sanna það. Þetta snýst ekki um pólitík því enginn borgari er hafinn yfir lög,“

sagði hann.

Chuck Schumer, leiðtogi Demókrata í öldungadeildinni, birti stutta færslu á Twitter um skattamál Trump:

„Réttu upp hönd ef þú greiðir meira í alríkisskatt en Trump forseti.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Þessar daglegu venjur gera þig feita(n) án þess að þú takir eftir því

Þessar daglegu venjur gera þig feita(n) án þess að þú takir eftir því
Pressan
Í gær

Á að nota tannþráð fyrir eða eftir tannburstun?

Á að nota tannþráð fyrir eða eftir tannburstun?
Pressan
Fyrir 2 dögum

Fyrrverandi hermaður var tekinn af lífi í gær

Fyrrverandi hermaður var tekinn af lífi í gær
Pressan
Fyrir 2 dögum

Þremur bræðrum bjargað úr hryllingshúsi á Spáni

Þremur bræðrum bjargað úr hryllingshúsi á Spáni
Pressan
Fyrir 3 dögum

Þau treystu honum fyrir hinstu för gæludýranna – Fóru hræin bara í ruslið?

Þau treystu honum fyrir hinstu för gæludýranna – Fóru hræin bara í ruslið?
Pressan
Fyrir 3 dögum

Fjögurra ára stúlka hætt komin vegna „aðlaðandi“ þvottaefnis

Fjögurra ára stúlka hætt komin vegna „aðlaðandi“ þvottaefnis
Pressan
Fyrir 4 dögum

Trump fór yfir um þegar blaðamaður reyndi að leiðrétta hann – „Terry, þú mátt ekki gera svona“

Trump fór yfir um þegar blaðamaður reyndi að leiðrétta hann – „Terry, þú mátt ekki gera svona“
Pressan
Fyrir 4 dögum

Trump hrósar Pútín: Auðveldari viðureignar en Zelensky

Trump hrósar Pútín: Auðveldari viðureignar en Zelensky