Þessar borgir eru New York, Portland og Seattle. Þær fara á listann fyrir að hafa „látið ofbeldi og skemmdarverk á fasteignum halda áfram og hafa neitað að gera nauðsynlegar ráðstafanir til vinna gegn afbrotum“, segir einnig í tilkynningunni.
„Þegar yfirvöld í ríkjum og staðaryfirvöld koma í veg fyrir að réttarvörsluaðilar og stofnanir sinni störfum sínum þá ógnar það saklausum borgurum sem eiga rétt á vernd og það ógnar einnig þeim sem reyna að mótmæla á friðsaman hátt,“
sagði William P. Barr dómsmálaráðherra um listann sem var gefinn út að ósk Donald Trump sem bað ráðuneytið um að nefna allar þær borgir sem virðast „leyfa stjórnleysi, ofbeldi og eyðileggingar“.
The Guardian skýrir frá þessu og segir að þetta sé liður í áætlun Trump um að reyna að gera lög og reglu að helsta kosningamálinu. Einnig mun þetta auðvelda alríkisstjórninni að svipta borgirnar fjárframlögum ef þær ná ekki stjórn á mótmælendum.
Í borgunum þremur hefur ekki tekist að stöðva mótmæli og kynþáttaóeirðir sem blossuðu upp eftir dráp lögreglunnar á George Floyd í byrjun sumar.
