En eftir rannsókn Human Fertilisation and Embryology Authority kom í ljós að sæði hans hafði verið gefið þremur samkynhneigðum pörum og einstæðum mæðrum. Fjögur gagnkynhneigð pör höfðu fengið sæði hans. Samtals eignuðust samkynhneigðu pörin fimm börn með sæði hans, þar af eina tvíbura. Einstæðu mæðurnar eignuðust fimm börn með sæði hans. The Sun skýrir frá þessu og hefur eftir Gaskell að honum hafi verið mjög brugðið við þessi tíðindi.
Hann ákvað að höfða mál á hendur sæðisbankanum og nú hefur hann haft sigur í því fyrir dómi. Honum voru dæmdar háar bætur en ekki hefur verið skýrt frá hversu háar.
Í samtali við The Sun sagði hann að hann hafi bara viljað gefa sæði til gagnkynhneigðra þrátt fyrir að hafa vitað að margir væru ósáttir við þá ákvörðun hans. Hann sagði að ekki væri um neina mismunun að ræða heldur vilji hann að börn, sem verða til úr sæði hans, eigi mömmu og pabba. Hann tók sérstaklega fram á skráningarblaði að ekki mæti gefa samkynhneigðum pörum sæði hans.
Hann komst á snoðir um þetta þegar sæðisbankinn tilkynnti honum að mistök hefðu orðið og sæði hans hefði verið gefið samkynhneigðu pari.
Gaskell á sjálfur þrjú börn sem komu í heiminn með tæknifrjóvgun.
