Á næstu dögum munu atvinnuveiðimenn skjóta 10.000 kameldýr í suðurhluta Ástralíu. Leiðtogar frumbyggja landsins hafa tekið ákvörðun um þetta að sögn ástralskra fjölmiðla. Óttast er að dýrin geti stefnt fólki og innviðum samfélagsins í hættu í leit sinni að vatni. Miklir þurrkar eru á svæðinu og gera dýrin því örvæntingarfulla leit að vatni.

Yfirvöld segja að stækkandi stofn kameldýra í suðurhluta landsins hafi valdið því að skemmdir hafi orðið á innviðum og að fólki og samfélaginu í heild stafi hætta af dýrunum.

Ákvörðunin er einnig byggð á því að hætta er á að mörg dýr drepist úr þorsta eða verði troðin undir af öðrum dýrum í örvæntingarfullri leit að vatni.

Dýrin verða skotin úr þyrlum og segja yfirvöld að tryggt verði að farið verði eftir ströngustu reglum um dýravelferð.