„Nei, ég verð að sjá úrslitin. Sjáðu til – ég verð að sjá þau. Nei, ég ætla ekki að segja „já“. Ég ætla ekki að segja „nei“. Það gerði ég ekki heldur síðast.“
í tengslum við þetta sagði Nancy Pelosi, leiðtogi demókrata í fulltrúadeild Bandaríkjaþings, að Trump verði „svældur“ út úr Hvíta húsinu að forsetakosningunum loknum. Hún minnti Trump á að hann verði að flytja úr Hvíta húsinu ef hann tapar í kosningunum þann 3. nóvember næstkomandi.
„Það er ákveðið ferli. Það kemur því ekkert við ef ákveðinn íbúi Hvíta hússins telur að hann þurfi ekki að flytja og það verður að svæla hann út því forsetaembættið er forsetaembættið.“
Sagði Pelosi í samtali við MSNBC og bætti við:
„Hvort sem hann veit það núna eða ekki, þá mun hann yfirgefa Hvíta húsið. Bara það að hann vill ekki flytja út Hvíta húsinu þýðir ekki að að við munum ekki hafa innsetningarathöfn þar sem réttkjörinn forseti Bandaríkjanna verður settur í embætti.“
Sky skýrir frá þessu.
Trump hefur margoft sagt að það auki líkurnar á kosningasvindli ef heimilt verður að kjósa bréfleiðis en sú aðferð verður meira notuð í næstu kosningum en fram að þessu. Hann hefur þó ekki getað fært neinar sönnur á þessar staðhæfingar.
Fylgið hrynur af Trump í skoðanakönnunum þessa dagana samhliða vaxandi útbreiðslu kórónuveirunnar í landinu og þeirra efnahagslegu fylgifiska sem heimsfaraldurinn hefur.
