Þumalfingurreglan er að eitt mannsár svari til sjö ára í lífi hunds. Þetta er eitthvað sem flestir hafa eflaust heyrt. En niðurstöður nýrrar rannsóknar sýna að þetta er bara ekki rétt. Við þurfum því að endurskoða hvað við teljum hundana okkar gamla.

Vísindamenn, sem vinna við erfðafræðirannsóknir hjá Kaliforníuháskóla í San Diego í Bandaríkjunum, hafa komist að því að borið saman við menn þá eldist hundar miklu hraðar á fyrstu æviárunum en síðan hægir á öldrunarferlinu. Þessu komust þeir að með því að beina sjónum sínum að efnabreytingum í DNA lifandi vera eftir því sem þær eldast.

Út frá niðurstöðunum útbjuggu þeir nýtt reiknilíkan fyrir útreikning á aldri hunda.

Ef þú átt labrador sem er 12 ára er reikniformúlan: 16 x (12)ln + 31 = 71 ár.

Ef þú átt labrador sem er þriggja mánaða er formúlan: 16 x (0,25)ln + 31 = 9 ár.

Þetta er hægt að gera á venjulegri reiknivél með því að skrifa 16, þvínæst sinnum merkið (x) og því næst aldur hundsins og því næst er ýtt á „In“ takkann og að lokum er skrifað +31 og síðan er 31 bætt við.