Lögreglan í Kaliforníu leitar nú að manni sem sleikti dyrabjöllu í heilar þrjár klukkustundir. Atvikið átti sér stað fyrir utan heimili Dungan-fjölskyldunnar í bænum Salinas aðfaranótt sunnudags. Fjölskyldan er tiltölulega nýbúin að fá sér nýtt öryggiskerfi með myndavél.
Maðurinn heitir Roberto Daniel Arroyo og er 33 ára gamall. Málið hefur vakið mikla athygli, þar á meðal hefur tímaritið Vice biðlað til mannsins um að koma í viðtal og útskýra hegðun sína.
Fjölskyldan var sofandi í húsinu á meðan Roberto sleikti bjölluna, þau vöknuðu ekki og vissu ekki af honum fyrr en um morguninn þegar þau fengu meldingu um hreyfingu fyrir utan húsið um nóttina.
Myndband af athæfi Roberto má sjá hér fyrir neðan: